ಬಂದ್!

ಬಂದ್’ಎಂದು ಬರಲಿಲ್ಲ ಬಸ್ಸೊಂದೂ ಅಂದು.
ಕೊನೆಗಲ್ಲಿ ಬಂದಿದ್ದು ಎತ್ತಿನಗಾಡಿ ಒಂದೇ ಒಂದು..
ಬಂದ್’ಆದ ಕಾರಣ ತಿಳಿಯಿತೆನಗೆ ಇಂದು..
ಬಿಳಿಗೋಡೆ  ಬೇಕೆಂದು, ಭವಗಂತನ ಗುಡಿ ಬೇಕೆಂದು ಜನ ಬಡಿದಾಡಿದರಿಂದ ” ಎಂದು..
ನಾಕೆಳುವ ಪ್ರಶ್ನೆ ಒಂದೇ ಒಂದು: “ಬಾಳುವ ನಾಲ್ಕು ದಿನ ಬಡಿದಾಟವಿದೇಕೆಂದು?”

ಬದುಕು ಹಿತವಲ್ಲವೆ ನಾವು ಬಂಧುಗಳಾಗಿದ್ದರೆ ಎಂದೆಂದೂ.

ಐದು ವರ್ಷದ ಕಾರ್ಮಿಕ!

ನಾನೊಬ್ಬ ಕಾರ್ಮಿಕ, ದಿನಗೂಲಿಯ ಕಾರ್ಮಿಕ. ಆ ದಿನದ ದಣಿವು, ಹಸಿವು, ನಿದ್ರೆ ತರುವ ಹುಮ್ಮಸ್ಸಿನ ಕಾರ್ಮಿಕ .
ನಾನೊಬ್ಬ ಕಾರ್ಮಿಕ, ಹೊಲ ಉಳುವ ರೈತ. ಹದದ ಮಳೆ, ಬಿಸಿಲು, ಗಾಳಿ ನನ್ನ ಪಾಲಿನ ವರ. ನಾ ಭೂತಾಯಿಯ ಪ್ರೀತಿಯ ಕಾರ್ಮಿಕ.
ನಾನೊಬ್ಬ ಕಾರ್ಮಿಕ, ನಾನೊಬ್ಬ ಚಾಲಕ. ಚಲಿಸುವ ವಾಹನದಿಂದ ನನ್ನ ತುತ್ತಿನ ಉಗಮ, ಸ್ಥಗಿತ ಸಂಚಾರವ ಮೆಟ್ಟಿ ನಿಲ್ಲುವ ಕಾರ್ಮಿಕ.
ನಾನೊಬ್ಬ ಕಾರ್ಮಿಕ, ದುಡಿಮೆಯೇ ದೇವರೆಂದು ನಂಬಿದ, ಜೀವನ ಸುಧಾರಿಸುವ ಕಸುಬುಗುಳ ನಂಬಿರುವ, ತೆರಿಗೆ ಕಟ್ಟುವ ಕಾರ್ಮಿಕ.

 

ನಾನೊಬ್ಬ ಕಾರ್ಮಿಕ, ನಾನೊಬ್ಬ ರಾಜಕಾರಣಿ. ದೇಶದ ಪ್ರಗತಿಗಾಗಿ ದುಡಿವೆನೆಂದು ಪಣತೊಟ್ಟ ಕಾರ್ಮಿಕ.
ಕಾರ್ಮಿಕನ ಕಷ್ಟ ತನಗೆ ಬರದಿರಲೆಂದು, ಕಷ್ಟ ಪಟ್ಟು ಲಂಚ ದುಡಿವ ಕಾರ್ಮಿಕ.
ನೀತಿ ರಾಜಕಾರಣಿಗಳ ತುಳಿದುಹಾಕುವ ಕಾರ್ಮಿಕ.
ಆಷಾಢಭೂತಿ ಕಾರ್ಮಿಕ.

 

ನಂಬಿ. ನಾನು ನಿಮ್ಮ ಐದು ವರ್ಷದ ಕಾರ್ಮಿಕ!

ದೇವತೆಯೋ, ಮಾಯೆಯೊ!

ಆಕಸ್ಮಿಕವಾಗಿ ಕಂಡ ನಿನ್ನ ಕುಡಿನೋಟ,
ಕಂಡು ಕಾಣದಂತೆ ನಕ್ಕ ನಿನ್ನ ನಗು,

ಚಂದ್ರನ ಅಚ್ಚೆನಿಸುವ ನಿನ್ನ ಮುಖ,
ಹಿಂತಿರುಗಿ ನೋಡದೆ ಹೋದ ನೀನು,

ಕಂಡಿದ್ದು ಕನಸಲ್ಲೊ, ಇಲ್ಲ ನನಸಲ್ಲೋ!
?
ನೀನು ನನ್ನ ಪಾಲಿನ ದೇವತೆಯೋ, ಇಲ್ಲ ಮಾಯೆಯೊ!?

ಹೈ – ಬೈ!

ದಿನ ಶುರುವಾದರೆ Hi’ಎಂಬ ಹವಳದಂತ ನಿನ್ನ ನಗುವಕಂಡು,
ಹಿಂದೆಂದು ಕಾಣದ ಹೊಸ ದಿನವದು ನನಗಂದು!

ಹೊರಡುವಮುನ್ನ ನೀ Bye’ಹೇಳದಿದ್ದರೆ ನನ್ನಕಂಡು,
ಅಹೋ! ಚಂದ್ರನಿಲ್ಲದ ಹುಣ್ಣಿಮೆಯ ಸಂಜೆ ಅದು ನನಗಂದು! 🙂

ಬ್ಯಾಚುಲರ್ ಲೈಫ್!

ಸತತವಾಗಿ ಆರು ವರ್ಷಗಳಿಂದ ತಿಂಗಳಿಗೊಮ್ಮೆ ಒಗಿತಿದ್ದೆ ಬಟ್ಟೆ,
ಹಾಗಂತ ನಾನು ಪ್ರೊಫೆಷನಲ್ ಅಗಸ ಅಲ್ರಿ, ಬ್ಯಾಚುಲರ್ ಅಷ್ಟೆ!

ಆ ಕಷ್ಟದಿಂದ ಪಾರಾಗೋಕೆ ಅಂತ ತಂದೆ washing machine ಇವತ್ತಷ್ಟೇ,
ಕೇಳ್ರಪ್ಪೋ, ಇದು ಕವನ ಅಂತೂ ಅಲ್ಲ ಬ್ಯಾಚುಲರ್ ಹುಡುಗರ ಕಷ್ಟ ಹೇಳೋ ನಾಲ್ಕು ಸಾಲು ಅಷ್ಟೇ! 😉